ترتيب الأولويات في مصر .......4

أنصح الناس بالقراءة بالترتيب عشان ما يتوهوش ...يعنيى سلسلة التدوينات اسمها : ترتيب الأولويات في مصر ....1 وبعدين 2 وبعدين 3 وبعدين 4..............................

.............................................

وممكن برضه يركبوا الموجة الدينية ... يعملوا حفلات في المناسبات الدينية يجيبوا فيها ستات غير محجبات ورقص واهو كله احتفال....يعملوا مسلسلات دينية تفرك الدين من وجهة نظرهم زي ابن حزم - لكن طبعا غلطة زي مسلمسل عمر بن عبدالعزيز مش ممكن تتكرر -

يجيبوا حبة برامج دينية ملهاش لازمة ويتجنبوا قدر الامكان الدعاة التقال او السلاسل التقيلة - عمرو خالد اصبح من المحرمات في التلفزيون المصري وخاصة سلسلته عن الصحابة - واذا حد من الناس اللي بيجيبوهم زودها شوية زي عطية صقر يقعدوه في بيتهم

وومكن برضه يظهروا بعض الحماسة للدين وهامش من الحرية .......يلموا الإخوان في مظاهرة في الاستاد للتنديد بالحرب على العراق لتحقيق اهداف سياسية ويحاولها يختموها قصاد الاعلام العالمي بختم الحزب الوطني ....او يسمحوا للاخوان بهامش من الحرية في الانتخابات لكن الموضوع اما يحسوا انه هيفلت من ايديهم مفيش مشاكل يقتلوا 5 او 6 واللا حتى خمسين... ....وكله يهون عشان خاطر ايييييييييه ؟؟؟؟؟............شطار.......كله يهون عشان خاطر الأمن القومي

يخطفوا الشبان والبنات ويقطعوا هدومهم ويعتدوا عليهم داخل أقسام الشرطة نفسها ......يبهدلوا ويسحلوا خيرة شباب البلد واللي يعمل كده حبة فشلة وبلطجية بمناصبهم ركبوهم على رقاب الناس مفيش اي مشاكل ......... وكله يهون عشان خاطر الأمن القومي

وممكن وممكن وممكن ...واذا قعدنا نعد مش هنخلص

كووووووول ده زي ما احنا شايفين دين ربنا والدعوة ليه ما يمثلش اي هدف استراتيجي قصاد الأمن القومي

خطط رهيبة وعقول جامدة ...ممكن يكون طلع دين أبوها في وضعها وتنفيذها (واخدلي بالك انت )...بس الأكيد ان الدين وارضاء ربنا ما كانش الهدف والغاية فيه



ممكن يكون موضوع اه ثواب عند ربنا عدى على دماغهم ...بس الأكيد انهم ما عملوهاش عشان كده في الأساس....وانه الأساس كان الواجب و الوطن وتراب الوطن وحضن الوطن والكلام ده

ودي مش دعوة لأي شخص محترم منهم بالتخلي عن مكانه .....أبدا......لكن الأفكار دي لازم تكون واضحة في الدماغ ......عشان يوم ما الدنيا تتغير ....... يبقى لسه فيه حد فيه أمل

مفهوم الأمن القومي في مصر بيستخدم الدين والدعوة لخدمة الأمن القومي ..ويستغلوا الدعاة وبعدين يدوهم بالشلوت وبالجزمة او حت يضربوهم بالنار ................ وكله عشان خاطر عيون الأمن القومي

في حين إن الإسلام بيخلي الأمن القومي هو اللي بيصب في مصلحة الدعوة لدين الله والحفاظ على مصالح العباد والبلاد

وبكده تتحقق المعادلة : دعوة لدين الله +استقرار داخلي+انتعاش اتقتصادي واللي العامل الأساسي فيه للقلوب المؤمنة هو رضا الله اللي بيفتح ابواب الرزق+سيادة وقوة عسكرية مرهوبة الجانب

وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاء وَالأَرْضِ وَلَـكِن كَذَّبُواْ فَأَخَذْنَاهُم بِمَا كَانُواْ يَكْسِبُونَ

لاحظوا اني اتكلم دائما عن الدعوة لدين الله واقامة شريعته وليس فرض دين الله وشعائره على الناس بالقوة .......فقط نعمل كي نوصل كلمة الله الصحيحة كما أنزلت للناس ...وبعدها النفوس السوية ستختار الطريق الصحيح ......ومن شاء فليؤمن ومن شاء فليكفر.......والله غني عن العالمين ....ولو ءامن أهل الأرض كلهم جميعا مازادوا في ملك الله ولو كفروا ما نقص في ملك الله ......ولكنه صالحهم هم ........ وهو الغني الحميد

لكن من يرى ومن يعي ومن يسمع ....................؟

دي كانت خواطر وأفكار تدور في نفسي منذ فترة لأسباب معينة ....... طلعتها هنا في المدونة......اسأل الله ان يغفر لي ما كان فيها من خطأ أو نسيان ......وان يصوب طريقي ان كنت خاطئا في بعضها

الله إني أشهدك أني أحبك ...وأحب شريعتك ......فثثبتني اللهم على طاعتك ...واغفر لي زلاتي ......واجعل عملي خالصا لوجهك الكريم ...واغفر لي ان خالطه شئ من مما لا يرضيك

وتوفني اللهم وأنت راض عني

واغفر لوالدي وارحمهما كما ربياني صغير.....ولكل أهلي وعشيرتي......ولمن دخل بيتي مؤمنا وللمؤمنين والممنات من مات منهم ومن ينتظر.....ولا تزد الظالمين إلا تبارا

اللهم انصر دينك وكتابك وسنة نبيك وعبادك الصالحين

سُبْحَانَ رَبِّكَ رَبِّ الْعِزَّةِ عَمَّا يَصِفُونَ * وَسَلَامٌ عَلَى الْمُرْسَلِينَ * وَالْحَمْدُ لِلَّهِ رَبِّ الْعَالَمِينَ