Friday, March 23, 2007

اقتراحات ليوم الاستفتاء....ليه نقاطع ؟؟؟؟؟؟؟؟؟؟؟؟؟؟؟؟

تحديث 3: آخر كلام مش هأحذفه ورحت وقلت لا طبعا ..ولم اسجل شيئا
عندي كلام ياما عاوز اقوله بس بكرة ان شاء الله بعد النتيجة...وقد تكون آخر تدوينة لي ولفترة طويلة
قـــــــــــــرفــــــــــــــــــــــــــان
***********************************************************************
مش فاهم ايه النظرية من المقاطعة التي يدعو لها الإخوان وأحزاب المعارضة
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ان حضرنا ... ووعينا الناس على قدر ما نستطيع ...قد يتم رفض التعديلات
الناس اما غير مهتمة او رافضة...إذن لماذا المقاطعة
وان مارست الحكومة البلطجة المتوقعة ومنعت الناخبين ...الكل يصور ما يحدث ونتفق مع قنوات الأخبار الفضائية ....ومنها بعد النتيجة المزورة عالمحكمة الادارية العليا او المحكمة الدستورية للطعن في الاستفتاء وساعتها الطعن هيكون موثق بما صورناه ان شاء الله
لكن المقاطعة تترك الساحة خالية للحكومة لفعل ما تريد...خاصة انها آخر انتخابات باشراف قضائي
فيه نقطة مهمة في موضوع الاشراف القضائي
في الدوائر ذات التزوير الفادح (الدقي:حازم صلاح ابوإسماعيل ضد آمال عثمان-دمنهور:جمال حشمت ضد مصطفى الفقي-مدينة نصر: مكارم الديري ضد مصطفى السلاب)- أقنعت الحكومة القضاة وضحكت عليهم بأن من مصلحة الأمن القومي لمصر ومصالح مصر العليا والكلام الكبير ده في فوز هؤلاء الثلاثة وتزوير النتائج لأن المرحلة القادم تحتاج مصطفى الفقي وآمال عثمان في مجلس الشعب
ولأن القضاة الغالب عليهم الشرف ...فكنا هذا هو المدخل الصحيح لهم...الكمات الغامضة البراقة...الأمن القومي...ومصلحة مصر العليا
أظن دلوقت واضح ليه مصلحة مصر العليا-مصر مبارك مش مصر مصر يعني - محتاجة دول - واللي كانوا من كبار مهندسي هذه التعديلات الدستورية
طبيعي اما استاذة قانون تقبل ان تكون نائبة بالتزوير لثلاث دورات متتالية ...ومفكر سياسي كان محترم فيما قبل ان تظهر حقيقته في اول محك حقيقي ويقبل ان يفوز بالتزوير ويبرر ويهاجم - ويلوش - يمين وشمال ..... ان تكون النتيجة تعديلات مثل هذه
كانت فرصة عمره ان يرفض ان يفوز بالتزوير في هذه الدورة وقتها كان ليصبح بطلا شعبيا - والدورة القادم كان لينجح نجاح ساحق في اي مكان يرشح فيه نفسه ويكون في مقدمة الصفوف

لكن باع دينه بدنيا غيره
المهم...مش موضوعنا
المطلوب : توعية القضاة بأكاذيب الحكومة ورجالها ومطالبتهم بالصمود امام اي طلب بالتزوير واظن انه مش صعب ابدا اقناع اغلب القضاة بهذا...صحيح هيظل هناك نسبة منحلة ...لكن في صفوف القضاة اظن انه اقل من اي مكان آخر
يتعاملوا مع كلام ونصائح واقناعات رجال الحكومة كما قال اللفظ القرآني ....كذاب أشر....وكما قيل قديما عن الشيطان...انه يكذب دائما وكل كلمة تخرج منه كذب ويجب فعل عكس ما يقول على طول الخط
مصلحة الأمن القومي لمصر ليست بالتزوير وتولية من لايستحق.....لان هكذا تكون النتيجة.....ولان هذا يخالف شرع الله بالكذب
والغش...ولان هذا يخالف منهج الاصلاح الذي جاء به رسول الله صلى الله عليه وسلم...ويخالف جميع الشرائع السماوية فيما قبله......تعالوا الى كلمة سواء
مطلوب ايضا على قدر الامكان كل من عنده موبايل بكاميرا او كاميرا ديجيتال او حتى انالوج بتصوير ما قد يحدث من تزوير وبلطجة ومنع للناخبين...ليس فقط المتظاهرين التقليديين ...ولكن ايضا ومن يسكن قرب اي دائرة انتخابية او يطل عليها من منزله فليفرغ يومه قدر الامكان للتصوير ...وتصوير الفيديو افضل ان امكن فان لم يكن فبالصور...ولنفرغ انفسنا قدر الامكان هذا اليوم
ولتتخفوا قدر الامكان حتى لا يخطفوا الكاميرات منكم....يفضل لمن يقوم بالتصوير أن لا يبرز نفسه لهم.....ولتجنب الايذاء خاصة لمن ليس له خبرة سابقة وأغلب الناس كذلك...ولأن الوجوه غير المعروفة ستكون أكثر حرية في الحركة
ألا هل بلغت....اللهم فاشهد
تحديث : آخر الأخبار شكلها كده مافهاش اشراف قضائي من الأساس..او اشراف قضائي صوري ورمزي
تحديث 2 : طنطاوي بيهفلط وبيقول اللي مش هيشارك في الاستفتاء كاتم للشهادة.....يروح يتنيل
في الغالب هاحذف الموضوع ده ..وهاتبع رأي الأغلبية والمجموع

7 comments:

اروي الطويل said...

كالمعتاد بوست رائع وممتاز ربنا يجزاك خير
حاول تنشر مدونتك لأن فعلا والله كتاباتك جميلة جدا جدا
ربنا يوفقك يارب

ma 3lina said...

ياراجل .. ياراجل ..
اسمح لي بقى ووسع لي عشان العركة كبيرة ..
سمعت صوت الكرسي وهو بيكسر الكلوب .. هات ياواد النبابيت .. عشان العركة جامدة جامدة ...
إزاي يا استاذي يطلع من حضرتك الكلام ده .. حقيقي مستغرب ..

معلش مقدمة نرفزوة شوية .. طيب اهدا يا ماعلينا واتكلم بالراحة .. حاضر

يا صارم يا صااااارم .. لا يلدغ مؤمن من جحر مرتين .. العالم كله شاف فضايح تعديل الدستور الأول وفضايح انتخابات الرئاسة والفضائح الكارثية في انتخابات مجلس الشعب .. شافها بالكاميرات .. كلنا شفناها .. عمل إيه العالم ؟؟

عرف إن الحكومة ديكتاتورية وقمعية .. ماهو عارف وراضي لأن الحكومة القمعية دي هي اللي بتحققه أحلامه وبتمنع وصول الإسلاميين للحكم في نظرهم .. فبيطلع يشجب ويرفض لكنه موافق ..

اشتراكنا في المهزلة اضفاء للشرعية لحكومة غير مسئولة .. والمقاطعة مش سلبية وياريت تشوف موضوع مقاطعة لجنة ملنر عندي

توعية القضاة من أكاذيب الحكومة .. إزاي هما القضاة دول حاجة صغيرة ولا سذج .. دول ناس درسوا القانون وفصلوا بين الناس .. يعني لو كانوا بالسذاجة دي يبقى عليه العوض .. فيه قضاة شرفا وفيه قضاة باعوا ضميرهم لكن مش سذج

نتيجة الاستفتاء معلومة .. وما يطلبه الحزب الوطني مشاركة تقيه الإحراج أمام شركاؤه حتى لا يضطر لتبرير قمعه .. هذا التبرير المقنع دائماً للشريك

أي مشاركة تعني اعتراف بشرعية المجلس والحكومة والنظام ..

Anonymous said...

انت عارف جزء من مشكلتنا ايه يا ما علينا - الا انت اسمك ايه بجد او حتى لقب


مشكلة الاسلاميين انهم ما بيعرفوش يبقوا صيع ... او ما بيعرفوش يصيعوا على الصيع

سوري على الألفاظ

الفرق بين صياعتنا وصياعتهم ان صياعتنا حق وتحكمها ضوابط وشرائع ...لكن صياعتهم باطل بدون لا ضوابط ولا وازع ولا شرائع


ماكنتش عايز اتكلم بالوضوح ده ..وحتى في الموضوع السابق على اساس ان الناس تقرأ ما بين السطور ...لكن يجب ويجب


اولا

سواء شاركنا ام لا الدستور هيتعدل....متفقين

متفقين


لأ مش متفقين....فيه احتمال ضئيل جدا ان نتيجة الاستفتاء تكون بالسالب وتترفض التعديلات..وفيه احتمال ضئيل ان القضاة يرفضوا تزوير النتائج ويعلنوا النتائج الحقيقية

ده يتحقق بان كل الرافضين يروحوا ويقولوا لأ ...لأن غير كده ما حدش مهتم..المهتم رافض

ده كان اولا

ثانيا

موضوع التصوير ... يا ما علينا طبعا مش قصدي فضحهم امام العالم..هما مفضحوين خلقة + ان العالم مبسوط ومستكنيص كده


اما تثبت التزوير ...عندك فرصة تطعن في نتيجة الاستفتاء فيما بعد ...ويبقى تعديل الدستور غير دستوري (حلوة اللي فاتت دي)..صحيح الطعن قد لا ينفذ كالعادة لكن هيبقى في الأصل فيه حكم محكمة بعدم دستورية التعديل ان شاء الله وانه شابهه التزوير


وقت الجد ممكن يستخدم + انه كده كده هيتعدل (بالمقاييس الدنيوية على الأقل والله غالب على أمره)... فيبقى معاك سند افضل من لا شئ



ثانيا : توعية القضاة

القضاة في الأصل ..او نسبة كبيرة منهم شرفاء....متفقين ان شاء الله

تعمل ايه مع الشريف عشان يغير اتجاهه...تقنعه انه اللي بيعمله موافق لمبادئه...تقوله امن قومي وامن وطني ومصالح عليا ولكنا جنود على ارض الوطن المسلم بنص الدستور


هوا دا اللي بقول عليه...سمعنا ان في دائرة دمنهور ان القاضي لم يكن يريد اعتماد النتائج المزورة لكن بعد اجتماع جهات امنية عليا معاه اقنعوه الكلام ده اتقال على النت...وكانت النتيجة ما ذكرته في الموضوع


يبقى المفروض نقولهم لا يلدغ المؤمن من جحر مرتين..اقنعوكم بالتزوير وكانت النتيجة استبعادكم وخدت الحكومة صلاحيات ديكتاتورية أكبر


ده الموضوع ببساطة



ايه رأيك في الكلام بالوضوح ده ...كويس ؟ ...انا شايف انه مش كويس خالص



كلام عن لجنة ملنر مقنع جدا...بس اظن والله اعلم فيه فرق كبير بين لجنة جاية من برة البلد وبين حكومة داخلية


انا مهعاك 100% ان حكومتنا غير شرعية وغير دستورية ولا يجب طاعتها.....لكن الدستور نفسه قانوني تماما....ولا ارى ان الحل في حاجة زي دي هي المقاطعة...والله اعلم


عموما دي وجهة نظر بقولها من فهمي لفعل سيدنا ابراهيم مع النمرود كما جاء في القرآن


وكلامك برضه وجيه ووجهة نظر قوية....ربنا يصلح الحال

Anonymous said...

الأخت اروى..جزاك الله خيرا على المرور..وربنا يكرمك ويعزك

Anonymous said...

في كلامك عن لجنة ملنر وسعدباشا


ساعتها كان فيه سعد باشا وساعتها كان فيه شعب واعي حتى فلاحيه في الحقول كانوا واعيين


الناس دي عملت اضراب عام....لو تفتكر الموضوعين السابقين كان نفسي في عصيان مدني=اضراب عام لان ده الحل الصحيح من وجهة نظري


لكن هات شعب زي شعب 1919 عشان يعمله....مافيش...يبقى نعمل ما هوا متاح على الأرض الآن

والله اعلم

دسوقي said...

السلام عليكم

بعيدا عن هذا الجدل انا موافق جدا علي العصيان المدني
واعتقد انه هو الوسيلة القوية لردع الحكومة

بس صدقني

علشان توصل لمرحلة التنسيق لعصيان مدني مزلزل في مصر

لازم تحل كل المشاكل المستعصية

يعني ييجي كده 30 سنة كمان

في بلدنا اللجنة اتقفلت

ومع اني مقاطع الا اني رحت سالت مخصوص عاللي حصل واتاكدت

تحياتي

أبو عمر - الصارم الحاسم said...

ما هو العصيان المدني لا بد من تمهيد قوي له

لكن بالعقليات الحالية حتى للمعارضة لا امل

كله بيقول العربية بتولع العربية بتولع لكن سقف تفكيرنا متجمد عند حدود معينة