Thursday, December 14, 2006

ميليشيا الإخوان ........

طبعا ان مبقوق ـمن الاخوان في حاجات كتير ...بس الصراحة بحبهم في حاجات اكتر


موضوع الساعة ...ميليشيا الإخوان ...الإخوان عاملين تنظيم سري ...اوعى وشك...وجنازة ويشبعوا فيها لطم


البعض طبعا ما صدق وهات يا لطم ......إلحق يا جدع ...... الجماعة المتطرفين المتعصبين المنخرطين الارهابيين الوهابيين السلفيين بتوع افغانستان وقتل السادات وتفجيرات التسعينات ( ما هو أي هبل واللي ميعرفش يقول عدس )بيدربوا ميليشيا


وافتكروا كلام المرشد اما قال انه مستعد لارسال 10000 من الاخوان لنصرة لبنان ...لكنهم نسيوا او تناسوا طلبه من الحكومة تدريبهم وارسالهم .....وقعدوا ينعقوا ان الاخوان عندهم مليشيا عسكرية



اي كلام في اي كلام ...وفرصة لدبح الاخوان ولم يكذب النظام خبرا وفرصة بفرصة وقبضوا على النائب الثاني للمرشد ..والمرة دي كل اللي كانوا مخبيين حقدهم وكراهيتهم وخوفهم اللي هما عارفين كويس انه غير مبرر لاخوان فرصة للظهور ...والنظام عنده استعداد انه يسحلهم والمرة دي قلوب كثير من الاخوة المتربصين بالإخوان مع النظام



ولكن ربنا موجود ...وليحذروا ...ان ساندتم النظام على الاخوان ..والاخوان حركة اصلاحية برضه ولكنها بمرجعية دينية وهذا اجمل ما فيهخا ...قد نختلف مع بعض افكارها وكل ليه وجهة نظره في الختلاف..ولكن اكيد نذوب في مبادئها القائمة على الاسلام حبا ...ونذوب في حب اغلب المنتمين لها ........احذروا عقاب الله ان اتفقت كلمتكم على الاخوان وتفرق دمهم بينكم ......فالله غالب على امره ولن يخذل عباده ولن يتركهم......وافتكروا نكسة 67



ارى ما حصل من طلبتهم في غير محله...وغير مقبول على الاطلاق وحركة غير محسوبة ...أكيد - ولكنه خطأ كأي خطأ...تهور نقدر نقول لم يكن مقصود به ما يسئ ...وللكبت هنا عامل كبير ....واعتذروا وانتهى الموضوع ...فيه غيرهم بيعمل مصايب اكبر ولا يعتذر وبكل وبجاحة تفتح له وسائل الاعلام ـولا كأنه عمل اي حاجة





نقطة على جنب ..........انهاردة وانا في الجيم واحد فتح الموضوع.......فتحه كده بدون لازمه ......مش فاهم ايه اللي فكره بالموضوع ده اما شافني


مش عارف هو انا مكتوب على وشي اخوان مسلمين .............كل ما اخش في حتة او اتدخل في نقاش في الشغل او في العائلة او في اي مكان يفتكروني اخوان


عموما مفيش مانع .. مع اني مش معاهم ...بس والله هما مش عيبة ولا ............واللا بلاش

No comments: