كلام في حد الردة

التدوينة دي تعليق معدل كنت نزلته عند عمرو في الموضوع اللي سخن هناك

هنا معدل شوية هازود عليه شوية حاجات


**********************************************************

الكلام بدأ بحكم المحكمة الادارية بعدم جواز تغيير الديانة في البطاقة لمن اسلم


الحكم مسخرة...لا هما عارفين يطبقوا الحد ..ولا هما عندهمم عقاب واضح...قاموا خربوها وهبلوا وقالوا يفضل في البطاقة


كوميديا مأساوية سوداء


غباء مستحكم..عنده حق الشهيد مالك مصطفى..الكفار كده ليهم الحق يتجوزوا بناتكم




ولكن نقول حد ردة يبدأ التهزئ


اولا انا مش شخص مثالي للدرجة..انا شخص لي اخطاء ..واخطائي علمتني اني ارحم الناس والتمس لهم العذر وارجو فيهم الخير عشان ربنا يرحمني



يا اصحاب حرية الرأي والفكر والتعبير...حنانيكم علينا




اولا حد الردة ثابت بالسنة النبوية الشريفة ...... وبفعل الصحابة والتابعين والخلفاء الراشدين...فيه مقالات قتلت بحثا في الموضوع ده


وفيه برضه من يلوي اعناق الأحاديث وينكر حد الردة...وفيه اللي ممكن يقعد يقول الظرف التاريخي وظروف المكان والزمان وان ده كلام عفا عليه الدهر و و و ....وعلى رأي واحد صاحبي حتى قتلة الأنبياء كان عندهم ما يبرر لهم



هنفترض-هو مش فرض هو حقيقة - بس هتكلم بلغتكم اللي بتقولوا بها وتفهمومها..هنفترض ان حد الردة ثابت في الاسلام



او ليس من حرية رأي وفكر طائفة معينة ان تضع من الشروط للانضمام لها ويكون كل اعضائها ملزمين بها



الاسلام بيضع حد الردة ...من بدل دينه فاقتلوه...ولا يكره احد على الانضمام له...من شاء فليؤمن ومن شاء فليكفر ..ولكن من دخل الاسلام يجب ان يكون عالما بهذا الحكم...هو في حل الا يدخله في الدنيا وحسابه في الآخرة التي يؤمن بها المسلمون ...لكن ما ان انضم فهو موافق على هذا الشرط



هتقولوا هناك من لا يعلم..ده يبقى تقصير فيمن عرفه بالاسلام....واظن ان العلماء المسلمين الثقات هنا هياخدوا النقطة دي في الاعتبار ...فيه مدينة كاملة على عهد عمر بن عبدالعزيز تم اخلائها من المسلمين اللي فتحوها ان القائد لم يلتزم بالثلاث ايام مهلة التي حددها الاسلام....فما بالك فيما تقوله


لا تقلقوا ان شاء الله من هذه النقطة



ارجع واقول..اذا أليس من حق المسلمين ان يطبقوا شروطهم طالما لم يجبروا احد على الانضمام لهم


طب ليه كل ده ...هل هو تعطش واستهوان بالدماء كما تقولون


بعضهم هاجمني بشكل شخصي واعتبرت اني مثال للارهابي المسلم..لو قدر لاحد فيهم ان يلقاني في الحياة الحقيقية هسيبه يحكم بنفسه اذا كنت فعلا باستهون بالدماء او بالحقوق ....واذا كنت باستحل وباستهون بدماء غير المسلمين ام لا



مش ده اللي افهمه من الاسلام ومش ده اللي اتعلمته وحبيت بيه المنهج ده كما فهمته....كون انكم مكونين فكرة معينة عن الإسلاميين الاصوليين السلفيين -اسأل الله ان يجعلني منهم وعلى مستوى ان يطلق علي مثل هذا - كما تسمونهم فدي وجهة نظر مبينة على قراءة خاطئة


انا مش شخص مثالي ومحصلتش.... شخص لي اخطاء بالطبيعة اللي حطها ربنا في البشر وله حكمته....واخطائي علمتني اني ارحم الناس والتمس لهم العذر وارجو فيهم الخير عشان ربنا يرحمني



انتم تفكرون من وجهة نظر..المهم انا الانسان يأكل ويشرب ويتزوج او يصاحب او يبقى مثلي حتى ...ويتفسح...ويعمل خير برضه ويحافظ على الحقوق المدنية ويناضل عن الحريات ....ولكن دون قيود اخرى


دي وجهة نظركم



اما الاسلام..فبرضه به ان الانسان يأكل ويشرب ويتزوج ويعيش آمنا على نفسه واهله وماله وكرامته..اون الناس سواسية كاسنان المشط لا تفاضل لعبي على اعجمي ولا ابيض على اسود ولا امير على فقير الا بالتقوى والعمل الصالح


ده الاسلام الذي اعرفه



لكن قبل كل هذا الاسلام ركنه الاساسي ان هناك رب خالق للكون بمخلوقاته جميعا ...خلق الدنيا لعبادته والايمان به


وان بعد الدنيا حساب عسير على الكافر هين على المؤمن ثم اما نعيم دائم لا تساوي امامه هذه الدنيا شئ او عذاب شديد لا يساوي اي تعب في الدنيا امامه اي شئ


وأن اخطر شئ على الناس في الدنيا الا يعرفوا ربهم ولا يعبدونه بما يعرضهم لعقابه غضبه عليهم ...فقد اعطاهم في الدنيلا ما يدلهم عليه ان اعملو عقولهم بحياد تام دون تباه لأهواء النفس وشهواتها


دي وجهة نظر الاسلام..وأن من لا يؤمن يكافأ على عمله الصالح في الدنيا اما في الآخرة فله العقاب



ومن هذا الاساس ولأن الأولوية الأولى في الاسلام هي عبادة الله....فأي شئ خطر على هذا يكون طريقة تعامل معه



ولهذا يكون الصد عن دينه ...يجب عليه الجهاد..ويكون الكذب على نبيه غقوبته كذا...وفعل الفاحشة جهارا تكون عقوبته كذا للحفاظ على صلاح المجتمع مع ان يكون الاساس هو التربية الروحية والدينية...والكلمة الأولى للحوار


اما العنف يكون مع الرعونة او البغي او الطغيان ..لان النتيجة هتكون فساد الدنيا وافساد الآخرة على الناس ومعروف ان معظم الناس ينقادون للاقوى..اذن في فلسفة الاسلام العادل والصالح يجب ان يكون قويا



من كل ما تقدم..اذن اما واحد يخش الدين اما رعونة...لتحقيق مكاسب شخصية او تحايل باسلوب قذر لتحقيق مأرب ما..او واحد داخل الدين مضمر في نفسه الخروج عليه والطعن فيه او ادعاء الدين ثم تغيير احكامه والتشكيك فيها ..ده يسمى ايه


هو داخل وعارف الشروط.....دين ربنا مش كوبري او سجادة كل واحد يركبها شوية عشان يعمل اللي على مزاجه وبعدين يطلع..طب والناس اللي مش فاهمة من بره هتقول ايه...ويخرب الدنيا وتفسد على الناس آخرتهم عشان واحد واطي بيحقق مآرب ما


اذا حطينا في دماغنا الأولويات السابقة وقارناها بفعل هؤلاء مش هنستهول الموضوع..والله هي دي شروط الاسلام اللي عايز يخش اهلا وسهلا واللي مش عايز اهلا وسهلا لكن اللي يخش يلتزم



الموضوع مش قتل وخلاص....والله يقدر يسيب ارض المسلمين ويعيش اينما يشاء



وفيه حاجة اسمها استتابة ومناقشة...وممكن تطول حتى عن الثلاث ايام ان رأى ولي الأمر ايا من كان انه الأفضل ان تطول....يا إما يغلب الناس في الحجة..يا اما يقتنع...لكن ماحدش ييجي يقول آه هو كلامهم صح بس مزاجي عايز اخرج....هو عارف الشروط ودي الرعونة والبغي والطغيان اللي بيحاربهم الاسلام..وماحدش اجبره من البداية


*****************************************************************


طب فيه ناس هتقول ... افرض دخل وما اقتنعش بعد ما دخل.وعايز يخرج


هاقول..مافيش حد بيخرج من الاسلام الا انه يرى تقييدا له في هوى ما....مافيش واتحدى


يحكي لنا التاريخ عن ملك من ملوك كندة اسمه جبلة بن الأيهم ...جبلة بن الأيهم ده كان ملك ثم دخل الاسلام ظنا منه انه بملكه وبقوة الاسلام في الجزيرة العربية سيكون له شأن....داخل عشان مصلحة ...ما كانش واخد باله ان في الاسلام الواحد بيبدأ السلم من اوله فان اثبت كفاءة يترقى طبيعي


اضمرها في نفسه بعد ما اكتشف هذا ثم في احد مواسم الحج ...داس اعرابي على ازاره بدون قصد فسبه جبلة وضربه ونال منه..اشتكى الاعرابي لعمر بن الخطاب الخليفة فجاب جبلة وامر الاعرابي ان يقتص منه -الناس سواسية كاسنان المشط-غضب جبلة ان يقتص منه الاعرابي الحقير من وجهة نظره والاعرابي عفا عنه فغضب اكثر واخذته العزة بالاثم وارتد ولحق بالروم في قصر هرقل وتنصر


بقية القصة...تزوج ابنة هرقل...كانت تخونه مع عشاقها في مخدعه وبعلمه دون ان يستطيع ان يفعل شيئا...عرض عليه حذيفة الاسير المسلم عندما كان مغادرا ان يتوب و يتوسط له عند عمر بن الخطاب وان عمر سيقبله وأن يعود لارض العرب والمسلمين......كما فعلها رسول الله من قبل مع من هو اشد جرما منه لكن ابى ان يعود الا كملك وليس مسلم عادي



ليته فعل مثل طليحة بن خويلد الاسدي مدعي النبوة الذي تاب...ثم ان من الله عليه ومات شهيدا في معركة نهاوند بعد رحلة جهاد طويلة في سبيل الله



لاحظوا ان حذيفة كان ممكن ان يقتله أو أن يبعث عمر احد وراءه كي يقتله لكن لم يفعل..ومات جبلة على نصرانيته



*******************************************************


وماذا عن التفكير...


والله الاسلام لا يعاقب على التفكير ..ده اللي افهمه...وده اللي ثابت بالسنة وبتاريخ الراشدين..اللي فاهم غير كده دي مشكلته...وقلت كذا مرة ما نريده هو خلافة على منهاج النبوة وتالخلفاء الراشدين وليس نموذج لاخطاء من سبقوا



لا اتخيل مثلا اني اشيل سكينة واروح لواحد في بيته واتخانق معاه عشان أناقشة واموته....ده مش قرار شخص ومش اعتباطا ومش لاي خلاف فكري يبقى دم


والكلام ينطبق مخالف واي عاصي نفس الكلام



الأفكار عرضة للتغيير لكن فيه اساس المفروض الا يتغير بتغير اهواء النفس والمزاجات...ممكن حاجة اقول عليها حرام في مرحلة ما......لكن فيما بعد ارى ان فيها تخفيف...لكن لا اجتهاد مع النص..فيه سماحيةولفترات محجدودة مرتبطة بظروف معينة ولكن عدم تغيير لنص والغاء لحكم


لكن الرعونة والكبر والافساد المتعمد ليهم احكام تانية في الدين



*********************************************************

فيه ناس هتقول طب ما كل شريعة ممكن تحط الحد ده


نقول الإسلام بس هو اللي وضع حد ردة...النصرانية واليهودية مفهومش...بس ممكن يتحط حسب المزاج طالما كل حاجة عندهم ممكن تتعدل


المفروض اننا بقى مش اللي نحذف حسب المزاج


والموضوع مش موضوع فرض سطوة..الموضوع موضوع عدالة تحميها القوة وقوامها الرحمة..لان عدالة برحمة فقط ما بتنفعش ..راجع التاريخ ...بل وراجع الحاضر ...بين حماس وفتح وتوازن القوى بينهما وبين المعارضة المصرية بكل طوائفها والحكومة مثلا



******************************************************************


اتمنى من الملتزمين انهم ما يتكسفوش من حد الردة واحكام دينهم ويحاولوا يجدوا ثغرات تتيح لهم من وجهة نظرهم الدفاع عن دينهم..وليثقوا في ربهم ونبيهم واحكام دينهم




تحديث:اتفضلوا

يعني هما يهرجوا وياخدوا الدين كوبري عشان اللي مش لاقيينه في دينهم وما به من قصور وتحريف....وبعدين يقولوا لك مواطنة ومش عاجبهم