Saturday, April 28, 2007

أنص فرقع تيتي

عدنا


كان فيه زحمة مهام..فيه وقت بس ما كانتش مدية اي دماغ للكتابة والصياغة


عايز ابعبع في 6745 حاجة مش عارف لغاية دلوقت هاحطهم في تدوينة واحدة واللا هاقسمهم


ياللا اكتب وربنا يسهل


*************************************************

وقعت تحت ايدي الفترة اللي فاتت مجموعة من الافلام العربي في وسط مجموعة من افلام الاكشن اللي بحبها


كل واحد فيهم يستاهل تعليق...بس فيه واحد فيهم يرفع الضغط بجد



عن العشق والهوى....بتعجبني كلمات اغنيته اوي قلت اشوف الفيلم بطريقة الـ
sampling & hold
اللي اخترعتها وبتخلص اجدعها فيلم في نص ساعة + انها بتفلتر الفيلم


قلت يمكن يطلع فيلم معقول القصة كأغنيته



القصة ايه بقى...طبعا مش حافظ الاسماء فهديهم اسماء من عندي


ركزوا معايا- يبقى قابلوني اذا فهمتوا حاجة
((((:


حمادة-دودي...بيحب سوزي اللي اختها ميمي شغالة شغلة مش ولابد...قوم صاصا-اخو حمادة- يثبت له ان ميمي اخت سوزي مش تمام..بلاها سوزي ..يسيبها ويمشي


حمادة يقايس يتجوز تيتي...وتيتي بتحب حمادة من زمان ..لكن صاصا أخو حمادة بيحب تيتي هو كمان من زمان..ومن باب ضحيت هنايا فداه ....اشهد عليه يا لــــيـــــــــل...آآآآآآ...ما علينا...يقوم صاصا يحل لهم مشاكلهم ويصالحهم كل ما يتخانقوا


حمادة لسه متضايق من موضوع سوزي...على الناحية التانية سوزي تتعرف على كرع وتتجوزه...مدمن مخدرات لكن بيحب سوزي طحن ... في النهاية يخش مصحة ويتعالج ويوعدها انه ما يرجعش تاني للمخدرات


حمادة تيجي نيني تشتغل عنده..هي كمان ما بتحبش جوزها حاحا...حمادة وميمي نظرة فابتسامة فموعد فلقاء فخطيئة-واخد بالك من خطيئة - فجواز....جته نيلة في ذوقه...تيتي-مرات حمادة- شكلا وموضوعا احسن منها بكتير ...لكنها الرمرمة ..هنتلكم في الموضوع ده في الآخر



وفي مواجهات عاصفة ومشاهد ذروة زي ما بيسموها بتوع السينما...يواجه حمادة تيتي بجوازه..تنهار تيتي..تكلم صاصا...صاصا يواجه حمادة...تخدعه مشاعره ويتكلم...حمادة يزعل ....يتقهر....يقوله كنت بتبص لها-تيتي- ازاي ....كنت بتبوسها ازاي - كأخ طبعا يا ولد منك له ..عيب


لأ دكر ياض يا حمادة...يبوسها - زي أخوها والدين يسر - مش مشكلة لكن يفكر فيها لأ...وطبعا احاديث لان يطعن احدكم بمخيط خير من ان يمس امرأة لا تحل له ولا "الحموالموت-قريب الزوج " لا تناسب الحداثة ودقة قديمة وبلاش تعصب وتطرف



حمادة يعيط...سوزي تكتشف ان كرع لسه مدمن وبيخونها ...حمادة يقابل سوزي..سوزي تفتكر انهم هيرجعوا لبعض..حمدة يغلط ويجيب سيرة نيني-بتاعة الخطيئة - سوزي تزعل ..مش مشكلة فيه سونة في آخر الفيلم


نسيت اقولكم ان ميمي-اخت سوزي- اتجوزت عرعر المنتج المحترم اللي شايف-مجرد شايف- ان ميمي اما تتجوز هتتوب وتبقى ست كويسة...بدون حتى لا مقدمات توبة ولا انه شايف منها اقبال وفعل طاعات حقيقي وليس مجرد بدايات او كلام...حتى بدون اي شئ....آه يا شراييينييييي



في النهاية...حمادة-الحمار مع الاعتذار للحمار- يطلق تيتي مراته .....جته ستين نيلة...حد يطلق تيتي


انا لو من صاصا..اروح اتجوز تيتي علطول واسيبني من البأف أنص....آآآآ ..حمادة


بس


حد فهم حاجة
((((:




الخلاصة - الـ
conclusion


1-
حمادة معندوش مخ ...حد يطلق تيتي...غبي...جته نيلة...شكلا والأهم موضوعا...لكنه كما قال النبي صلى الله عليه وسلم عما شاهده ليلة الاسراء...رأى رجالا ونساء امامهم لحم طيب ولحم خبيث ..يأكلون الخبيث ويتركون الطيب..فسأل من هؤلاء...قيل له ..هؤلاء الزوتاني والزناة...يكون الرجل عنده امرأته حلالا طيبا فيتركها ويأتي الفاحشة مع امرأة اخرى..وتكون المرأة عندها زوجها حلالا طيبا...فتتركه وتاتي الفاحشة مع رجل آخر...او كما قيل



2-
حمادة و نيني اساسا محكوم عليهم بالاعدام-زناة محصنين -مين اللي قال كده- زمان النبي بلغنا ...اليومين دول الحاج محمد بن أبويا سويلم


3-
الحمو الموت


4-
ميمي اتجوزت جوازة حلوة وطز في الاخلاق والقيم ...صحيح كل بن آدم خطاء والمجتمع هو اللي بيعمل كده...بس برضه ومن يتق الله يجعل له مخرجا...مش خرب الدنيا وبعدين تروق وتحلى..ممكن تحصل في الحياة وممكن ميمي تبقى فعلا ست فاضلة..وممكن لأ

مش ده النموذج اللي يدوه للناس في عمل اعلامي



مصير الفيلم طبعا بعد العرض الأول
shift+delete
(:

**************************************************

أحمد السقا - حمادة



عن فيلم تيتو ...تعليق منه على النهاية اللي اعترض عليها ناس كتير-اتقتل


كان بيقول لازم يتقتل لانه قال في الفيلم-تيتو-انه عمل كل حاجة غلط في الحياة- الا خيانة صاحبه...فكان لازم يتقتل في نهاية الفيلم عشان العظة والقدوة وكده يعني


قصة الفيلم كانت رائعة....واقعية ممكن تحصل ....فيها توازن بين الصالح والسئ...صحيح بعيدة عن الدين او باشارت للدين من بعيد لكن كان معقول


الراجل ده زمان ما كنتش بطيقه لغاية اما شفت له فيلم تيتو وعدة لقاءات حديثة معاه...اتغيرت فكرتي وحسيت انه اتغير.....اتمنى اقابله يوم ولو صدفة واتصاحب عليه


الله يكرمك ما تعمل افلام زي كده تاني

**********************************************************

بشكل عام الافلام دلوقت احسن بكثير من عشرة عشرين سنة فاتوا ...يمكن عشان اتربيت في جيل افلام التمانينات وبدايات التسعينات اللي كانت افلامها في منتهى السوء كمضمون وقصة ...دلوقت افضل ...لسه فيه حاجات سيئة بس فيه قصص كويسة برضه


وممثلين ممتازين ....ان احسنوا اختيار ادوارهم...يغنموا ويؤجروا ان مثلوا قصص كويسة وهادفة تصلح الوعي شوية

اذكر منهم..احمد السقا(تيتو)-كريم عبدالعزيز(ابوعلي)-مصطفى شعبان(مافيا)-احمد عز (ملاكي اسكندرية)...ملاكي اسكندرية بالذات المشهد الأخير فيه يتدرس....على الرغم من المؤاخذات الشرعية على الافلام طبعا-اللي هما ما بيفكروش فيها اساسا..ولكن سنجد انها برضه افضل من زمان بكتييير


***************************************************************

يروى أثر عن السيدالمسيح عيسى بن مريم عليه وعلى نبينا افضل الصلاة والسلام


انه مر ومجموعة من تلاميذه على جثة متحللة ..فطفق التلاميذ يقولون ..ما انتن رائحته..ما ابلى ثيابه...ما ابشع منظره


فقال المسيح عليه السلام ... ما اشد بياض عينيه


نظرة للجانب الجميل في اي موضوع .. وفي اي شخص


*************************************

فاضل لي 6744 موضوع

6745-1
(:

13 comments:

علا said...

بقالي كام يوم بتدور في ذهني فكرة كتابة تدوينة عن فيلم شئ من الخوف.. شفته الأسبوع اللي فات و معلق معايا اوي معاني كتير فيه.. البوست ده شجعني ابدأ.

آخر سطرين في التدوينة علقوا معايا اوي.. نفسي أوصل للتفكير الايجابي للأشياء.. امال تنمية بشرية ايه اللي بندرسها للناس دي؟ ياللا.. الله المستعان

مش فاهم حاجة said...

جبت المفيد
انص فرقع تيتى

فلم كلة فرقعة
كلة بيفرقع كلة

انا متفق معاك فى الراى اوى

محمود سعيد said...

أستغفر الله :-)

انا محبيتش أقرأ حتى الفيلم بتاع عم العشق والهوى

يتهيألى شوفته وأهو عك وخلاص

إنما تيتو مع أنه تقليد أجنبى بس أهو فيلم حلو

وكويس والله أن حالهم اتعدل بعد العك اللى فات
عقبال اللى جاى ما يتعدل خالص

ma_3alina said...

والله ما فهمت حاجة ..
أنا دلوقتي كنت لسه بكتب بوست حنزله بكرة إن شاء الله يوم 30 إبريل .. وكان حدوتة مسرحية برضه بس ملخبطة .. لكن بعد اللي انت كتبته ده .. دا المسرحية طلعت واضحة وممتازة .. إيه دا مين توتو وسوسو وصاصا وأنص وتيتي .. مين دوووول

اقول لك ما علينا

بعيدا said...

قلت اشوف الفيلم بطريقة الـ"
sampling & hold
اللي اخترعتها وبتخلص اجدعها فيلم في نص ساعة + انها بتفلتر الفيلم"

----

Kol el modakhla di w shoft el felm betaree2et el sampling & hold, omal law kont shofto kolo kont katabt eh, lol. I'm just kidding (:
Ela eh heya taree2et el "sampling & hold" di. I also agree that the best thing about the movie was its song. Ghada 3abdel razeq dorha kan bashe3 w yekhdesh el 7aya2 gedan. Rabena yahdi el gamee3.

fad-fadat nour said...

مؤلفة الفيلم قررت تعمل فيلم عن العشق و الهوي زي ما سمّوه في الاخر

فخلت كل الممثلين اللي في الفيلم بيحبوا مش مهم بيحبوا مين و ليه و صح و لا غلط المهم ان كله يحب و يلخبط و خلاص

القصة بكل سذاجة عاقبت الشخصيات الطيبه (زي بشري و خالد صالح) و كافئت كل الشخصيات "السيئة" (زي باقي الشخصيات في الفيلم) ... و ياريت كان ورا كل ده قصة رومانسية جميلة او هدف او سبب

شكرا لك

Mohamed A. Ghaffar said...

مهو فلم كله حكم مواعظ اهه لغيته ليه ، انت تقريباً مخدتش بالك انهم عاملينه عشان يحذرو الناس من الىل انت شرحته ده كله

انا كييف سيما وعندك حق فى ان الفترة دى افضل من فتره مضت ولكن من حيث الكم حيث ان الأفلام المنتجه بالزوفه انم عدد الجيد لا يتجاوز عدد الجيد فى الفترات الفائته

ولا نغفل سعى البعض لما يسمى بالسينما النظيفة

لحظة said...

عجبتني قوي الطريقة اللي بتلخص بيها الفيلم يدوبك 90% من الافلام دلوقت تتشاف(او تتسمع ) كدة
واسمح لي استعير طريقة تحليلك للفيلم لتحليل افلام اخرى ارى انها تستحق التعليق

الصارم الحاسم said...

علا

مستني شئ من الخوف



مش فاهم حاجة
فلم يرفع الضغط بعيد عنك


محمود سعيد
افضل انك ما شفتوش...ماخسرتش


ما علينا

حلم ليلة صيف بتاعك افضل بكثير...قصة ونهاية معقولة

مش العك بتاعنا

الصارم الحاسم said...

بعيدا


غادة عبدالرازق هي ميمي...الأغنية منطبقة على الفيلم...غير انهم كانوا ممكن يفصلوا فيلم احسن من كده على الأغنية

اللي سمعته ان الفيلم ما نجحش اوي من ناحية الايرادات

sapmling&hold
ده اول تكنيك في التحويل من انلالوج لديجيتال...اقتبسته باني بنط المشاهد والثواني اللي مالهاش لازمة وبلم الفيلم من خلالها...قاعد حاطط ايدي على الزرار
(:

معظم الأفلام الأجنبية ما بينفعش معاها الطريقة دي


نور

انتي قلتي بالضبط اللي كنت عاوز اوصله




محمد عبدالغفار

إلا حكم ومواعظ...يا سلللااااااام
(:



لحظة

براحتك يا باشا ..اتفضل التدوينة كلها
(:

ana ga3an said...

وحشتني قلت ادخل اسلم
لقيت خناقة في البوست اللي فوق دة وكلام مجعلص
وانا حالتي وضغطي اليومين دولا لا يسمحو باي حاجة من اللي فوق دي
دلخت هنا قلت جايز اخف شوية وأنص و تيتي
لقيت الحكاية نيلة برضة
باشا احنا مش هانتعشي ؟؟؟؟

الصارم الحاسم said...

أخويا الجعان

ليك وحشة يا ابوملك


أخبارك ايه

صفحة التعليقات عندك شلتني..مش عارف يها ايه الصراحة...فقدت الأمل
:(


هنتوعشى يا باشا هنتوعشى

الصارم الحاسم said...

أخويا الجعان

ليك وحشة يا ابوملك


أخبارك ايه

صفحة التعليقات عندك شلتني..مش عارف يها ايه الصراحة...فقدت الأمل
:(


هنتوعشى يا باشا هنتوعشى