Saturday, November 03, 2007

كيف الحال

كل عام وانتم بخيييييييير....

(:


متأخرة اوي اوي اوي ...21 اوي
(:


كانت فترة توقف لم تكن مرتبطة باي شئ...وبأي حوارات....في اي مكان...ولم تكن انفعاليه باي شكل...فترة توقف بحتة ولكن كان اغلبها ضروري




الخبر المحزن ان دكتور خالد توقف تماما عن التدوين...بسبب حوار مع شخص عزيز عليه يرى ان دي هيافة..وللأسف دكتور خالد قفل التعليقات على هذه التدوينة


فيا دكتور..دي مش هيافة...وحتى وان اقتصر الموضوع على بضعة اشخاص يقرأون لك..فدي مش هيافة


الرسول صلى الله عليه وسلم قال لئن يهدي الله بك رجلا واحدا


وطالما عندك من الوقت....ومن ملكة الكتابة والاسترسال فيه..والحمد لله نحسبك ممن يمتلك العقيدة القوية والصحيحة..فليس من الصواب ان تأخذ برأي شخص واحد مهما كنت تقدره وتحترمه


الخطأ الوحيد ان تضيع اولوية اهم ...او رعية انت مسؤول عن رعايتها...ان تعارضت الكتابة معها باي شكل


لكن ما نفعله ويفعله كثير من المدونين هام جدا وتؤثر في كثيرين ونتعلم جميعا من بعض

9 comments:

محمد عبد الغفار said...

لا حيلة لنا الا انتظار امثالك ، نورت يا باشا

دكتور خالد انا بتله ميل قلت له وجهة نظرى التى تختلف كلياً وجزئيا مع وجهة نظر صديقه

وفى الأول وفى الأخر هو حر

وشوشات said...

أولا حمدا لله ع السلامة يا صارم. انا بعت لك ايميل اسأل عليك، مش عارفة وصلك و لا لأ.

اما بالنسبة للدكتور خالد فأنا معك قلبا و قالبا، و اكثر من ذلك انا شايفة انه مش من حقه انه يتوقف عن التدوين بسبب رأي شخص واحد.. مش من حقه بعد ما علقنا بكتاباته و متابعة مدونته انه يقفلها، متهيألي دي بأت ملكية عامة مش خاصة.

انا شايفة اننا نعمل حملة ننادي فيها بعودة الدكتور خالد للتدوين، و لتكن تدوينة شبيهة بتدوينتك في كل المدونات اللي أصحابها يهمهم عودة دكتور خالد لعالم التدوين.

Mai_Jeneen said...

حمداً لله على سلامة حضرتك

بالنسبة لدكتور خالد

ياريت حضرتك تبلغه إن لو كل الناس الفاهمة تركت الأمر فستبقى الساحة مرتعاً للغث دون أن يجد قلماً يرد عليه !

فليجدد نيته

و ليستخير

تحياتي

ma 3lina said...

معدي كده ع البلوجسبوت لقيت نور طالع من المدونة اتاريك منورها يا هندسة .. الحمد لله على سلامتك

كل عام وانت بخير وتقبل الله منا ومنكم .. معلش بقا متأخرة برضه
:D

الدكتور خالد لم يكن أول من توقف فمعه بينو ومسلم .. أخشى أن اقول أن الأشرار أطول بالا من الأخيار .. وعندهم أولئك من الصلابة في تحمل النقد رغم مواقفهم الباطلة وآرائهم الفاسدة وبطولاتهم الزائفة أكثر مما لدى أهل الحق .. أخشى أن أقول ذلك لذلك انتظر عودة قوية لهم جميعا ..

ولهم أقول أنتم تخاطرون بمحبة كانت في القلوب لكم .. وتحولونها مع الوقت لغضب على موقفكم ..

عصفور المدينة said...

حمدا لله على سلامتك يا هندسة وبارك الله فيك

كلمت خالد الآن وقلت له عن هذه التدوينة وغيرها وسوف يعود إن شاء الله ويلغي هذا القرار العاطفي

أحمد السيد عبد الحميد said...

السلام عليكم أخى الكريم
تقبل الله منك هذا العمل وجعله الله فى موازين الحسنات ودائما من تقدم لتقدم


يسعدنى تشريفك لمدونتى
mesh3arief.blogspot.com


أحمد السيد عبد الحميد

أميرة محمد محمد محمد said...

حاجه بجد تضايق مدونته كانت رائعه النت من اهم اساليب الدعوه وماينفعش نسيبه للملحدين و الشواذ و العلمانيين ده نوع من انواع الجهاد لازم يبقي اقوي ومش اي حد يقول حاجه يقتنع بيها باذن الله يرجع تاني .منتظرين تدويناتك لقد انقطعت فتره طويله ربنا معاك

belal said...

وانتا باصحة والسلاام..يا باشمهندس
..
طمنتنا يا بامهندس عصفور
...
كلمة التأكد دي ماكنت موجودة قبل كده
..

أبو عمر - الصارم الحاسم said...

اعتذر عن التأخير..جدا


محمد باشا عبدالغفار

حضرتك اللي منور والله ...بس المدونة بتاعتك تقيلة اوي في التحميل

الله يسامحك
:)



الأخت علا

شفته طبعا قبل ان اكتب جزاك الله خيرا كثيرا لكن لم يتسن لي الرد وقتها



الأخت الكبيرة جنين

الله يسلمك..هو رجع فعلا والحمد لله


اخي ما علينا

الله يكرمك انت اللي منور دايما


عندك حق...بس مش هتكلم موضوع المحطات بقى واللا ايه


الأخ عصفور

والله اني احبك في الله




الأخ مش عارف

اكيد يا باشا

بس مش عارف ايه واللا ايه

(:



الأخت اميرة

اسف على طول الغيا لكنةها ظروف صدقيني...وتقصير ايضا



ادعيلي


بلال باشا

كيف حالك عامل ايه