Sunday, June 10, 2007

تاج ثلاثي القوة

وصلني تاج ثلاثي من الأخت اماني بلدياتي والأخت اروى والأخت رفقة عمر
فلازم وحتما ولابد اجاوب....ماذا وإلا
(:
انت مين؟
الصارم الحاسم.....تراني يوما هل أكونه ؟.....اسأل الله
مين أكتر ست أشخاص بتحبهم؟
زي التاج اللي فات
العائلة من الآخر
انت سعيد؟
لأ
حال البلد..المجتمع..الأمة...تقصير الانسان الشحصي..لا يعطي اي سعادة
لو اجتمعت أنا وحسني مبارك في غرفة واحدة؟

زي ما واحد صاحبنا قال....ممكن يلحقوه ومايسيبهوش لوحده معايا
هناقشه اولا....واعرف ليه هو متربس دماغه ضد الشريعة..ان فضل متربس ....هاسأله ترك الحكم..ان لم يفعل...تكون امنيتي بتاعة التاج اللي فات
لو معاك مليون و نص جنيه تعمل بيهم ايه؟
مليون ونص قليل اليومين دول
(:
هاحاول أجوز بيهم الشباب الملتزم- او حتى الشباب نقيي السريرة حتى وان لم يكونوا على درجة عالية من الالتزام - ان شاء الله قدر ما استطيع
اما مليار ونص...فكلام تاني
اشمعنى النص صحيح

بتحب مصر؟
مش اوي..مش فارقة معايا كتير..كلها عندي ارض ربنا .....الأهم عندي اهلي
بتحب البنات؟
غير الأخوات .....غالبا لأ
زي ما بيقولوا
by default --> NO
فقط البنات ذات الصفات اللي قلتها التاج اللي فات
غير كده باستسخفهم ...الصراحة يعني
وبالمرة ....قريب شفت لفيديو كليب على طائرة...افتكرت عصر الجواري وما يحكونه عن رقص الجواري...بالضبط يعني
هما بيقولوا تقدمية وحرية...بل ويدعي البعض ان بما انه لا جواري فلا حجاب الآن
مع ان الحجاب من اسبابه..وليس الكل هو تكريم الحرائر
لكن بعضهن يأبين الا ان يكن اماء وجواري
اما الأخوات ...ممن فيهن الصفات
تقية - متقية لله - هادئة - طيبة - ودود - سمحة - كيسة فطنة - رحيمة بعباد الله - سليمة الطوية دون سذاجة ....قوية في الحق دون طغيان...عادلة وهادئة في خصامها ...ليست ممن قال فيهم النبي إذا خاصم فجر...تميل مع الحق حيث مال...وتعظم وتطيع اوامر الله دون اتباع لهواها
فدول صنف تاني..دول اجمل شئ خلقه ربنا في الأرض من وجهة نظري

انت مسلم؟

الحمدلله
قَالَتِ الْأَعْرَابُ آمَنَّا قُل لَّمْ تُؤْمِنُوا وَلَكِن قُولُوا أَسْلَمْنَا وَلَمَّا يَدْخُلِ الْإِيمَانُ فِي قُلُوبِكُمْ وَإِن تُطِيعُوا اللَّهَ وَرَسُولَهُ لَا يَلِتْكُم مِّنْ أَعْمَالِكُمْ شَيْئًا إِنَّ اللَّهَ غَفُورٌ رَّحِيمٌ

ليه؟
بالوراثة ده كان الاول...ثم اقتناعا فيما بعد
اما الواحد يشوف الصحابة عاشوا إزاي..الخلافة الراشدة...الإعجاز العلمي القرآني....واقعية الدين واتفاقه مع طبيعة البشر والحياة
يعلم ان هذا الدين متين......وان رب هذا الكون حق ان يعبد

تاج 2
مين أكتر شخصية متقدرش تستغنى عنها في حياتك؟

بإذن الله .....مفيش والحمد لله

و ليه؟
الحمد لله الذي اغنانا عمن سواه

حتى اهلي ان قدر الله ان افقدهم.....لنا الآخرة بإذن الله .....والآخرة خير وابقى

ايه أكتر موقف محرج تعرضت ليه؟
امممممم......مش قادر احدد واحد معين...بس اكيد فيه

و اتصرفت ازاى
ربنا هو اللي بيسرها
ايه الأمنية اللى بتدعى دايما ربنا انه يحققها ليك؟
في الدنيا..التمكين..ليست الضرورة الشهرة..ولكن التمكين...لاقامة شرع الله وعدله ورحمته قدر الامكان
في الآخرة : اللهم توفنا وانت راض عنا....وادخلنا الجنة بدون سابقة حساب ولا عذاب
امرره ايضا لديبوس وبلال ان كان عندهم وقت

5 comments:

أمــانــى said...

ممــتاز يا مسهل ربنا يسهل والخط يكبر كمان وكمان هههههههه
بس ايه ده تفقد اهلك كلهم مش مشكلة عندك
ممممممممممممممممممممم
مفيش منك امان هههههههههه
ربنا يحققلك امانيك ياارب آمــــــين

Anonymous said...

يا حاجة انا بقول كده من باب ان القلب ليحزن وان العين لتدمع ..ولا نقول الا ما يرضي ربنا

اون شاء الله يا رب ما يحصل ..واكون انا الأول...بس تكون شهادة بإذن الله

آمين ولك مثله

رفقة عمر said...

اجابات جميله ماشاء الله
وخصوصا اجابه ليه انت مسلم
ربنا يكرمك يارب ويحقق ليك كل ما تمناه اللهم امين

أبو عمر - الصارم الحاسم said...

الله يكرمك يا اخت رفقة

آمين ولك مثله بإذن الله

أبو عمر - الصارم الحاسم said...

الأخت رفقة

واضح ان مشكلة الخط كبيرة فعلا

المشكلة ان الفنط اللي بستخدمه ما بيعجبنيش اما يكبر ...ويار ريت اذا حد يدلني على فنط وخط كويسين وازاي استخدمهم

فمع اني مهندس اتصالات-ياللفضايح-الا اني لم اهتم اكثير بال
HTML

أخدت فيه كورس من زمااااااااان ولم اعمل به فنسيته وتخصصي بعيد عنه خااااالص ...ومافيش وقت عشان اقرأ فيه باحاول القط بس من هنا وهنا

عموما كبرته حتى اشعار آخر وهاستخدمه كده لغاية ما حد يدلني

أنا آسف لكم جميعا