عملت الاختبار خمس مرات وآدي النتيجة
هتلر 2+صدام 2 +1 اينشتاين= عند الغرب شخص اسلامي-او بيحاول يعني - صارم حاسم يؤمن بالعدل اللي بتحفه الرحمة وتحميه القوة - الجملة دي معلقة معايا اليومين دول
(:
اللي كان نفسي اكونه هو ابراهام لنكولن
لكن من القادة الحاليين لا يزال الباشمهندس اللي في الصورة تحت هو مثلي الأعلى
وبالمناسبة هو كمان شبهوه في الغرب بهتلر...واضح ان القطعية دي عندهم معناها هتلر
(:
لأ واللذيذ في الموضوع ان ما علينا كمان طلع هتلر وصدام
(:
بامرر التاج لـ
ديبوس-اتوقع له مصير مماثل
علا عثمان- اتوقع انها هتبقى غاندي
رفقة عمرمش عارف هي مختفية ليه
اروى الطويل
بلال
محمود سعيد
بينو
13 comments:
جذبني الاختبار ده
عملته برضه 5 مرات و ادي النتايج
مرتين غاندي
و مرتين الام تريزا
و مرة بيل كلينتون
واضح ان فيه حاجات كتير مشتركة بيننا
:)
بقى كده ..؟؟
ربنا يستر ..
هههههههه
يعني بعد كده اناديك الفوهرر ولا الزعيم المفدى .. ولا كبير القعدة ..
بس إيه اللي دخل إينشتاين في الموضوع .. مش عارف .. يالا ما علينا
يا باشمهندس سيبك من نجاد ده بدل مااروح دلوقتي اشلفط لك وشه عشان ترتاح ..
عمرو عزت
ههههههههههه
شبه بعض طحن
ماكنتش اعرف ان حنان الأم عنك عالي كده
(:
بس بيل كلينتون......يا خلبوص
(:
الديب
انت بالذات مستني النتيجة
ما علينا
انسى انه شيعي ومشكوك في نواياه
بذمتك مش ده القائد اللي بنحلم بيه
بسيط في شكله وفي مظهره لكن عنده قوة داخلية مهولة....ثابت في مواقفه...بيفهم...لا يلين لأحد...بيعمل لمصالح بلاده القومية فقط دون اعتبارات اخرى...معتزر بدينه وبهويته(راجع الصورة)...بينسق سياسيا مع الدول اللي على نفس الشاكلة
متهيألي مش واحد كداب اللي هيعمل زي اللي هو عامله في الصورة..منتهى الأدب والاحترام معاها لكن مطبق للسنة النبوية حتى في حفل رسمي عالمي
لقد تكلم الفوهرر
(:
انا مع ماعلبنا في موضوع نجاد ده
هو بيفكرني عادة بمصطفي كمال أتاتورك
انا طلعت غاندى اربع مرات..
يعنى ناقصنى الفيل بس.. واروح احكم الهند
النتيجة طلعت ..
موضوع نجاد ده .. مش عاجبني .. بس طالما تقصد قوة الشخصية وإصراره .. وكونه راجل يعني .. فده اتفق معاك فيه تماما ..
وان كنت اظن ان الصفات دي متوفرة في قادة مسلمين كتير .. نور الدين محمود .. عماد الدين زنكي ..
باقول ايه..
لازم تسمع سلسلة صلاح الدين الأيوبي بتاعت الشيخ صفوت .. ما شاء الله .. الشيخ تألق .. والله مهمة جدا . بيعرض فيها كيف كان المسلمون في مهد الدولة .. وكيف سقطوا ..ولماذا سقطوا .. ومظاهر السقو .. ومقارنة بما نحن عليه .. ثم اسباب النصر ..وكيف اتى رجال اصلحوا حال الامة ..كان اخرهم ..منتوج بالنصر الكبير ..صلاح الدين
http://www.daralansar.com/series.asp?id=19
السلام عليكم
آسف يا جماعة على التأخير
بينو وديبوس
في موضوع نجاد ما بخرجش عن ما قاله ديبوس بحرف...اعجاب بنمط شخصية
شكرا على الرابط
دكتورنا المحارب
واذا كان الاختبار يتضمن صحابة زمان اظنك ستكون كمثل اباعبيدة
دكتورنا المحارب
واذا كان الاختبار يتضمن صحابة زمان اظنك ستكون كمثل اباعبيدة لا فهمنى .. اشمعنى ..
تعرف انا فعلا لو حأختار من الصحابة .. كنت حاختار ابا ذر .. علشان الحديث بتاع .. يمشى وحده .. ويموت وحده .. ويبعث يوم القيامة .ز امة وحده ..
عارف الحديث؟
بس بجد ليه ابا عبيدة؟؟
لو قرأت الملحمة الاسلامية الكبرى لعلي احمد باكثير لفهمتني مباشرة
(:
ابوعبيدة...تحس انه كبير بجد...سنا وقدرا
ابوعبيدة..أمين الأمة ..الحلم والأناة ...مع الكيس وحسن التدبير ...سلامة الصدر وحسن الظن بالمؤمنين .....مع الصبر والحزم في وقتهم
من الشخصيات الجميلة جدا من صحابة رسول الله ...كان في فتوحات الشام صمام الأمان بوجوده بجانب القائد العسكري "جدا" خالد بن الوليد
يقول عنه عمر بن الخطاب بعد طعنه بيد ابي لؤلؤة المجوسي...لو كان ابوعبيدة حيا لاستخلفته دون أن أستشير
مين اللى قال "رجل والرجال قليل"
:)
ما شاءالله إنى أحب هذا الرجل فى الله..
إفتكرت موقفه فى الصوره وموقف "قائد" راحل (بدون ذكر أسامى) قبل إمرأه لزوم الإيتيكيت...بارك الله فى أحمدنجاد
I wish every arab leader was like him :(
بعيدا
لأ وشفت الادب والاحترام...بمنتهى التهذيب ومنتهى الحسم ايضا
الصورة دي المفروض تتدرس في كليات الدعوة ومناهج الدين الاسلامي..بغض النظر عن الاختلاف على شخصية بطلها
"بمنتهى التهذيب ومنتهى الحسم ايضا"
----
Exactlyyyyy, that was the best ta3leeq 3ala el soora.
Post a Comment