Tuesday, March 25, 2008

أحييهم...بجد احييهم

هأقطع الهوامش عشان حدثين وهأرجع لهم تاني بإذن الله


اولا

كما توقعت تم تأجيل حكم المحكمة العسكرية مرة اخرى لما بعد انتخابات المحليات


فحكم المحكمة العسكرية المتوقع قبل انتخابات المحليات والطحن اللي هيتم في انتخابات المحليات هيكسب الاخوان ارضيات اكتر مما هما كسبانين اساسا


وقد يؤدي لتفجير الاوضاع ومواجهات عنيفة ايام الانتخابات خاصة مع الحال الداخلي الحالي


الموضوع كان واضح من البداية والبعض لم يصدق مش فاهم ليه ؟؟؟؟؟ والصياعة من الحكومة بتأجيلها على مرتين



ما اشك فيه الآن ان الاحكام صدرت بالفعل ولكن المؤجل هو اعلانها فقط


خاصة ان الناس "بتتهش" من على باب المحكمة ويقال لهم تم التأجيل...... وليس جلسة علنية يصدر فيها قرار التأجيل


**********************************


ثانيا حادثة اليوم في قناة السويس



اولا احيي الحراس الامريكيين جدا


بجد والله مش تهريج ولا مواربة


بجد فعلا يستحقوا التحية


ما فعلوه صحيح تمام وسليم تماما ...... بالنسبة لصالحهم

كقواعد اشتباك
او
rules of engagement
كما يسمونها في بلدهم



تصرفوا بشكل نموذجي....هناك تهديدات باستهداف مصالحهم عموما خاصة بالامس بعد شريط الظواهري....


.ومنذ فترة طويلة هناك تهديدات باستهدافهم في القناة


وتصرف الصيادين مشابه جدا لتصرف من هاجموا المدمرة كول في اليمن


اذن ما فعلوه صحيح...هددوا وحذروا...لم يتم الاستماع للتحذير....ضربوا للدفاع عن انفسهم


لكن كان يجب ان يتبعه اعتذار وتعويض لاهالي الضحايا..وينتهي الأمر


وبما ان مصر دولة "مفلقسة" حاليا - كحكومة طبعا وليس شعبا - فما تسواش لا اعتذار ولا تعويض

تصرف زي ما الكتاب بيقول

ده بالنسبة لهم




بالنسبة لنا احنا بقى...كوطنية وقومية وليس دين


كل الكلام اللي قلته من شوية هجص وكلام فاضي


عندنا وزير عمل فيها سبع البمبة - البرمبة - وسبع رجالة في بعض وتوعد بكسر رجل من يتعدى الحدود

الوزير ده اختفى في ظروف غامضة سواء في حادثة الطفلة التي قتلت على الحدود..وفي الحادثة دي قال ماليش دعوة ما اعرفش

مفيش داعي اكرر اللفظ اللي قلته المرة اللي فاتت

والنائب بتاع الوطني طلع المرة اللي فاتت يعدد زي الولايا ويقول ما فيش فايدة

خير تمثيل عن الحكومة



لكن كقومية ووطنية

اساسا لم يكن من المفروض ان يسمح لهم باستعمال اسلحتهم داخل الحدود المصرية

وان تصاحبهم زوارق حراسة مصرية تكون هي المسئولة عن التأمين

بحيث ان اضطروا للاشتباك يكون الاشتباك مصري وليس امريكي على ارض مصرية

وانه من الان بما ان السفن الحربية دي هتسبب لنا مشاكل ....وتعرض حياة المواطنين للخطر

فمن حقنا رفض مرورها رفضا تاما خاصة الآن

وقبل الان حتى...منذ وقت صدور التهديدات

لحماية مواطني الدولة - هيع آل مواطني الدولة

ده من ناحية الوطنية




ولكن ...كل اللي قلته برضه هجص ومالوش لازمة

لانه ما بني على باطل فهو باطل

وامريكا دولة معادية شئنا ام ابينا

دولة تساند عدونا بكل صراحة وسفالة

ودولة قتلت وتقتل من المسلمين في كل مكان

وتعين على دمائهم واعراضهم

يبقى لا ناخد منهم معونة

ولا نطالبهم بتحمل شئ نسميه مسؤولياتهم

وطبيعي لا نسمح لهم باستخدام ممراتنا البحرية في اغراض عسكرية

ولا تواجد عسكري على اراضينا - كلنا وليس دولة بعينها

ولنا مهاجمة قواعدهم العسكرية في اي مكان دون تقيد بالحدود........طالما سمحت الظروف

الظروف الميدانية طبعا

كما يفعلوا معنا بالضبط


ده الاصل والاساس

**********************************************


وبما ان الحكومة اسفرت عن وجهها القبيح - اللي هو قبيح من زمان لكن كثير ماكانش واخد في باله ولم يكن يفهم لماذا ينتقدها ويسخط عليها البعض الآخر

ويا ويل لمن سبق عقله زمنه...ويالثوابه ايضا بإذن الله

الحكومة سدت كل قنوات التغيير السلمي كما يتشدق الديموقراطيون بشكل سافر ..واعلنتها قاعدة على قلبكم ولا تغيير


فيه دعوة طور الاعداد وانتشرت اخبارها على النت لعصيان مدني 6 ابريل ان شاء الله


كان فيه دعوة مماثلة منذ عدة سنوات


الان الظروف مهياة اكثر لعمل مماثل


ويمكن لو تم التحضير لهذا الأمر جيدا قد يكتب له النجاح باذن الله


يا ليت

14 comments:

محمود سعيد said...

قلت :
الطحن اللي هيتم في انتخابات المحليات هيكسب الاخوان ارضيات اكتر مما هما كسبانين اساسا

ممكن توضح النقطة ديه بالذات كمان شوية
يعنى إزاى هيكسبهم من وجهة نظرك

أبو عمر - الصارم الحاسم said...

؟

بمعنى ان السخط بيزدادا على الحكومة يوم بعد يوم وناس كتير من كتر تصرفات الحوكة الغلط بدات تقتنع ان الاخوان طالبي حق فعلا مش طالبي سلطة

ولكما امعنت الحكومة في القمع كلما قل رصيدها عند الناس ممكن كانوا مخدوعين او لا يحبون الاخوان حتى

وخاصة مع فشل الحكومة في ادارة البلد وتركمات اخطائهم اللي بتأدي للموقف الداخلي الحالي فمزيد من القمع على عين من الناس هيقلل رصيد الحكومة عند الناس وهيزود رصيد المعارضة / الاخوان

وانا بصراحة اللي مش فاهم سؤالك...متهيألي الكلام ده واضح لواحد من الاخوان اكتر من اي حد
!!!

عاشــــــ النقاب ـقــــة"نونو" said...

السلام عليكم
طبعا طبعا طبعا لازم ما يخروش الا لما الانتخابات تخلص
حضرتك عاوزهم يطلعوا ينتخبوا وينتخبوا التانية بضم الياء وفتح الحاء
طبعا لا يمكن
اما الناس تنتخب والمحليات كدة نطمن عليها نبقى نشوف للاخوان صرفة
بالنسبة لموضوع السويس اللي اعرفه ان شهود العيان قالوا ان حصل لم ضرب نار على طول لا انذار ولا نيلة واما عن الاعتذار والتعويض فالواضح ان مصر هي اللي هتعتذر وتدفع تعويضات خضة للجيش الامريكاني
تحياتي

محمود سعيد said...

جزاك الله خير

أنا حبيت أعرف رأيك أنت فى الأسباب

ليس إلا

بنت القمر said...

احييك علي طريقه تحليلك ورصدك لحادثه قناة السويس
هما عملوا واجبهم ويار باحنا نعمل واجبنا\
بس هما يعني للي قتلوهند علي حدود مصر الشرقيه حصل لهم ايه؟؟
الارض شربت دمها وحقها راح هدر
وزمبها في رقبتهم
تحياتي

أبو عمر - الصارم الحاسم said...

محمود سعيد

اوظننت بي سوءا يا فتى
:))))))

اللهم يا مقلب الاقلوب والابصار ثبت قلبونا على دينك
:)


الاخت عاشقة النقاب

كيف حال حضرتك

بالضبط...حتى الحكومة مش عايزة خناقة على جبهتين

هنصرف لهم بدل خضة مش بعيد


بنت القمر

زي ما قال ابراهيم عيسى

هما حرامية وعملوا شغلهم ....لكن احنا معندناش حد عنده دم ويعمل شغله

إيمان الحسيني said...

كيف حالك يا أخي الكريم ؟
:)

http://te3mah.blogspot.com/2008/03/8.html

أبو عمر - الصارم الحاسم said...

الاخت طعمة


الحمد لله رب العالمين


جزاك الله خيرا كثيرا

Anonymous said...

معبرة كلمة تتهش دي
..

مصطفى فتحي said...

يا سيدي اسلوبك جميل ورائع

تحياتي لقلمك

Anonymous said...

لو كان على حادثة السويس فالحكومة وجبت مع اهل المرحول شقة وتعيين يهييسوا
بس فى قضية انت نسيتها قضيت طابا اللى لغاية دلوقت مش عارفين اللى حصل ولو كان الحكم لمصر تاكد ان هناك تنازلات كثيرة للغاية فى جهة اخرى لم يعلن عنها

أبو عمر - الصارم الحاسم said...

مصطفى فتحي

اشكرك

اون كنت لن اتوقف عن مهاجمتك فاسلوب تفكيرك لا يعجبني ابدا


هنادي

تستطيع ان تخدع بعض الناس لبعض الوقت ولكن ليس كل الناس لكل الوقت

وحاليا فيه حقائق كتير بتبان..عني مثلا قطاع كبير من الناس لم يكن يعرف خطورة موضوع تقسيم سيناء الى مناطق وتردج الاسلحة فيها الا مؤخرا

belal said...

طب حتى قوللي طظ
..

أبو عمر - الصارم الحاسم said...

اوووووووبس


آسف جدا يا بلال باشا

قريت تعليقك طبعا بس سقط مني سهوا في الردود

آسف جدا جدا جدا جدا


وما هو ده اللي بيحصل...من بره كده يقولولهم اتأجل الحكم من غير لا جلسة ولا حاجة

وبعدين المدونة مدونتك يا باشا اتفضل اكتب بوستات

تحب ابعت لك الباسوورد
:)